22 February, 2020 07:54 AM IST | Germany
જર્મનીની સ્ટ્રૉન્ગવુમન તરીકે જાણીતી કૅથલીન ક્રૉસીના બાવડાંમાં એટલું બળ છે કે તે કોઈ ઍવરેજ પુરુષને ચુટકી બજાવતાંમાં ધૂળ ચાટતો કરી દઈ શકે છે. ફૌલાદી બાવડાં ધરાવતી કૅથલીને ચીનમાં પોતાના હાથેથી ફ્રાઇંગ પૅન્સને રોલની જેમ વાળી નાખવાનું બીડું ઝડપ્યું હતું. આ સ્ટન્ટમાં બહેને એક મિનિટની અંદર ૭ ફ્રાઇંગ પૅનનું કોકડું વાળી દીધું અને ૨૦૧૪માં લિન્ડસે લિન્ડબર્ગના ૬ ફ્રાઇંગ પૅન વાળવાના પરાક્રમનો વિક્રમ તોડ્યો હતો.