ડેન્માર્કની ટીનેજરે શરીર પરનાં ચાઠાંને બદલ્યાં આર્ટ વર્કમાં

ડેન્માર્કની ટીનેજરે શરીર પરનાં ચાઠાંને બદલ્યાં આર્ટ વર્કમાં

શરીર પરનાં ચાઠાંને બદલ્યાં આર્ટ વર્કમાં

ડેન્માર્કના આરહસ પ્રાંતની ૧૮ વર્ષની એમા એલ્ડનરિડ નામની છોકરીને ડર્મેટોગ્રાફિયા નામની બીમારી છે. એ બીમારી ધરાવતી વ્યક્તિના શરીર પર ડ્રૉઇંગ ઇલસ્ટ્રેશન્સ કરતાં જ જે જગ્યા પર રેખાઓ દોરવામાં આવી હોય એ જગ્યા પર ચાઠાં ઊપસવા માંડે છે.

પરંતુ એમા એ વ્યાધિથી ડર્યા વગર હાથ કે પગ પર પેન્સિલથી ડ્રૉઇંગ કરે છે અને ત્યાર પછી એ રેખાઓની જગ્યા ઊપસી આવતાં ચાઠાંનું ચિત્ર બને છે. એમાએ ડરવાને બદલે બીમારીને કલાત્મક પ્રતિભામાં ફેરવી નાખી છે. human Etch-A-Sketch માં ફેરવાઈ ગયાં છે આ ચાઠાં.

નાની ઉંમરમાં ડર્મેટોગ્રાફિયાની બીમારીને કારણે પેન્સિલની અણીથી ચામડી પર શબ્દો કે ચિત્રો ઊપસી આવતાં હોવાનું જણાયા પછી પહેલાં એમાને પોતાને કુતૂહલ થયું હતું. એ વખતમાં બચ્ચાં પાર્ટીમાં અન્ય બાળકો કે ટીનેજર્સને કંઈક અવનવું બતાવવાની કોશિશમાં એમા તેના હાથ પર ચિત્ર દોરીને કે નાના શબ્દો લખીને સખીઓ-મિત્રોને બતાવતી હતી. એમાને એ સ્થિતિની વેદના કરતાં કલાત્મકતા વધુ સ્પર્શે છે.