07 July, 2020 08:10 AM IST | China | Gujarati Mid-day Correspondent
ચીની રાષ્ટ્રપતિ શી જિનપિંગ જેવો ચહેરો
ચીનમાં નાગરિકો પર અનેક જાતના નિયમો અને પ્રતિબંધો લાદેલા છે. લીઉ કેક્વિન નામના સંગીતકાર પર પણ ચીને પ્રતિબંધ લાગુ કર્યો છે. જોકે પ્રતિબંધ લગાવવાનું કારણ ઘણું જ રસપ્રદ છે અને એ કારણ છે આ સંગીતકારનો ચહેરો ચીનના રાષ્ટ્રપતિ શી જિનપિંગને મળતો આવે છે.
લીઉ કેક્વિન બર્લિનમાં ઑપેરા સિંગર છે, પણ માત્ર શી જિનપિંગ જેવો ચહેરો હોવાને કારણે હવે તેઓ પોતાના ચીનના ચાહકો માટે ગીતો નહીં ગાઈ શકે. આને તેમના કરમની કઠણાઈ કહો કે તેમના ડીએનએનો દોષ ગણો. તેમની શી જિનપિંગ સાથેની સમાનતા તેમના માટે નુકસાનકારક સાબિત થઈ છે, જેનો કોઈ ઉપાય નથી.