25 July, 2020 07:23 AM IST | Belgium | Gujarati Mid-day Correspondent
સીક્રેટ ટૅટૂ
બેલ્જિયમનો એક ટૅટૂ-આર્ટિસ્ટ ઇન્ડી વોએટ તમે ધાર્યું ન હોય એવા શરીરના ભાગમાં ટૅટૂ-છૂંદણાં બનાવી આપે છે. એમાં બે આંગળીઓને જોડતી ચામડી અને કાનની પાછળના ન દેખાતા ભાગ ઉપરાંત મોઢાના તાળવાનો પણ સમાવેશ છે.
ઇન્ડી છેલ્લાં પાંચ વર્ષથી આવાં સીક્રેટ સ્થાનો પર ટૅટૂ બનાવે છે. નવાઈની વાત એ છે કે એમાંથી મોઢાના તાળવા પર બનાવેલાં ટૅટૂ લોકોને બહુ પસંદ પડી રહ્યાં છે. તેની પાસે અનેક લોકો હવે મોઢાની ઉપરના સૉફ્ટ તાળવા પર ટૅટૂ બનાવે છે.
આ પણ વાંચો : આ પ્રાણીઓ ફળોના બન્યા છે
કોઈને મોં ખોલીને બતાવવું પડે અને જો કોઈના મોંમાં નજર નાખવી ન ગમતી હોય તો આ ટૅટૂ કોઈના ધ્યાનમાં પણ આવી શકે એમ નથી. માત્ર ડેન્ટિસ્ટ પાસે તમે ટ્રીટમેન્ટ માટે જાઓ ત્યારે જ એ તેને દેખાવાના છે. એમ છતાં આ પ્રકારનાં સીક્રેટ ટૅટૂનો ક્રેઝ લોકોમાં ઘણો જોવા મળી રહ્યો છે.