03 December, 2019 09:50 AM IST | US
આ ટ્રક બટેટામાંથી બની છે!
હિસ્ટોરિકલ આર્કિટેક્ચર અને ઑટોમોબાઇલના શોખીન એવા ગ્રેગ મિલાન નામના ભાઈએ તાજેતરમાં થૅન્ક્સગિવિંગના ડિનર માટે એક અનોખી ચીજ બનાવી હતી. આમ તો રાંધવાની દૃષ્ટિએ એમાં કંઈ ખાસ નહોતું, પરંતુ એમાં તેની ક્રીએટિવિટી મસ્ત હતી. બાફેલાં બટાટાનો લોચો બનાવીને એની એવી રીતે કોતરણી કરી હતી જાણે ટેસ્લાની સાઇબર ટ્રક જેવી લાગતી હતી. આ ટ્રક તેણે તેના ભાઈને પિરસી હતી. છેલ્લાં વીસ વર્ષથી તે દર થૅન્ક્સગિવિંગ ડિનરમાં કંઈકને કંઈક કોતરણીકામવાળી ચીજો બનાવે છે. એ વખતે તેણે હૅટ, ફૂટબૉલ, સ્નોમેન અને વાઇટ હાઉસ જેવી ચીજો કોતરી હતી. ગ્રેગના ભાઈ વૉને આ તસવીરો ટ્વીટ કરી હતી જેને લોકોએ ખૂબ લાઇક અને રીટ્વીટ કરી હતી.