21 November, 2020 08:06 AM IST | Kolkata | Gujarati Mid-day Correspondent
દુનીલ પાલ
સોશ્યલ મીડિયા પર હાલમાં કલકત્તાના ૮૦ વર્ષના દુનીલ પાલનો વિડિયો વાઇરલ થયો છે, જેઓ કલકત્તાના ગોલપાર્ક વિસ્તારમાં સુંદર પેઇન્ટિંગ્સ વેચી રહ્યા છે. તેમની કહાણીએ નેટિઝન્સની આંખમાં આંસુ લાવી દીધાં છે અને સાથે સંતાનોના અસહિષ્ણુ વર્તન પર ભલભલાને વિચારતા કરી મૂક્યા છે.
અસાધારણ પ્રતિભા ધરાવતા સુનીલ પાલ નવરાશના સમયમાં પેઇન્ટિંગ્સ દોરે છે અને આ પેઇન્ટિંગ્સ માત્ર ૫૦ કે ૧૦૦ રૂપિયામાં વેચીને તેઓ ગુજરાન ચલાવવા મજબૂર બન્યા છે. સોશ્યલ મીડિયા પરની પોસ્ટ મુજબ સુનીલ પાલ વિધુર છે અને મોટા થયેલાં સંતાનોએ તેમને ઘરમાંથી કાઢી મૂક્યા છે. સુનીલ પાલનાં સંતાનોને હવે તેમના પિતાની જરૂર નથી. જોકે તેઓ એ નથી જાણતા કે તેમનાં બાળકો પણ આ બધું જોઈ રહ્યાં છે અને ભવિષ્યમાં તેમને આ જ રીતે મૂલવશે અને ચૂકવશે પણ. બાળકોએ કાઢી મૂક્યા બાદ હાટી બાગાન વિસ્તારમાં રહેતા સુનીલ પાલ રસ્તા પર તેમનાં પેઇન્ટિંગ્સ વેચે છે. વીકમાં બે દિવસ તેઓ ગોલપાર્ક વિસ્તારમાં પોતાનાં પેઇન્ટિંગ્સ વેચવા બેસે છે.