06 November, 2020 07:47 AM IST | New Delhi | Gujarati Mid-day Correspondent
78 વર્ષના કાકાએ 17 વર્ષની કન્યા સાથે કર્યા લગ્ન
ગયા મહિનાની શરૂઆતમાં લગ્ન કરનાર ૭૮ વર્ષના અબાહ સર્ના અને તેમની ૧૭ વર્ષની પત્ની નોની નાવિતાએ ગયા અઠવાડિયે છૂટાછેડા માટેની અરજી દાખલ કરી છે.
વયમાં આટલો બધો તફાવત હોવાથી આ લગ્ન આમ પણ સોશ્યલ મીડિયા પર આકર્ષણનું કેન્દ્ર બન્યાં હતાં. નવાઈની વાત એ છે કે નોનીના પરિવારજનોને બન્ને વચ્ચેના વયભેદનો વાંધો ન હોવાથી છૂટાછેડાની અરજીથી આંચકો લાગ્યો છે. પરિણામની તપાસ કરતાં જણાયું હતું કે વિરોધનો વંટોળ અબાહના પરિવારમાંથી ઊઠ્યો હતો.
અબાહના પરિવારે દાવો કર્યો હતો કે લગ્ન પહેલાં નોની સગર્ભા હતી, પણ નોનીના પરિવારે આ દાવાને નકારી કાઢ્યો હતો.
અબાહે નોનીને દહેજમાં એક મોટરસાઇકલ, ગાદલું અને કબાટ સાથે લગભગ ૫૦,૦૦૦ રૂપિયા આપ્યા હતા, જે ટ્રક દ્વારા ટ્રાન્સપોર્ટ થતાં સોશ્યલ મીડિયા યુઝર્સનું ધ્યાન ખેંચ્યું હતું.