21 January, 2023 11:21 AM IST | Toronto | Gujarati Mid-day Correspondent
આ વૅલેન્ટાઇન્સ ડે પર વાંદાને તમારા એક્સનું નામ આપો
દુનિયાભરના પ્રેમીઓ અત્યારે વૅલેન્ટાઇન્સ ડેની રાહ જોઈ રહ્યા છે. બીજી તરફ સિંગલ વ્યક્તિઓ માટે તો આ નિરાશા અને પેઇનનો પિરિયડ છે. ટૉરોન્ટોના ઝૂએ આવા સિંગલ લોકોને ધ્યાનમાં રાખીને એક નિર્ણય કર્યો છે.
ટૉરોન્ટો ઝૂની વેબસાઇટ પર લખાણ છે કે ‘તમારી લાઇફમાં એવું કોઈ છે જે તમને પરેશાન કરે છે? આ વૅલેન્ટાઇસ ડે પર આવી વ્યક્તિઓને તમે ડરાવી શકો છો, તમે એક વાંદાનું નામ તેમના નામ પરથી રાખીને તેમને સન્માનિત કરી શકો છો.’
એ માટે તમારે ૨૫ ડૉલર (૨૦૨૯.૪૬ રૂપિયા) ચૂકવવાના રહેશે. એના બદલામાં તમને તમારા અને તમારા વાંદાના નામનું એક ડિજિટલ સર્ટિફિકેટ મળશે. આ ડિજિટલ ગ્રાફિકને શૅર પણ કરી શકાય છે. વાંદાને નામ આપવા માટે તમારે ટૉરોન્ટો ઝૂની વેબસાઇટ પર જઈને ફૉર્માલિટીઝ પૂરી કરવાની રહેશે.