હેલ્મેટ ન પહેરવા બદલ ટ્રાફિક-પોલીસ ચલાન કાપી રહી હતી ત્યારે દંડથી બચવા બ્લિન્કિટ પર હેલ્મેટ મગાવીને પહેરી લીધી

હેલ્મેટ ન પહેરવા બદલ ટ્રાફિક-પોલીસ ચલાન કાપી રહી હતી ત્યારે દંડથી બચવા બ્લિન્કિટ પર હેલ્મેટ મગાવીને પહેરી લીધી આ ભાઈએ

વાઇરલ વિડીયોમાંથી સ્ક્રીનશૉટ

સોશ્યલ મીડિયા પર એક મજેદાર વિડિયો વાઇરલ થયો છે. એમાં ટ્રાફિક-પોલીસ બાઇકચાલકોને એક સાઇડમાં કૉર્નર કરીને ચેકિંગ કરતી જોવા મળે છે. ઘણાબધા બાઇકચાલકો લાઇનમાં ઊભા છે ત્યારે એક બાઇકસવાર દંડથી બચવા મજાનો જુગાડ ખેલે છે. એ બાઇકસવારે હેલ્મેટ નહોતી પહેરી એટલે તેને દંડ થવાનો હતો. જોકે તેણે ત્યાંથી ભાગવાને બદલે ઝટપટ બ્લિન્કિટ પર હેલ્મેટ ઑર્ડર કરીને ગણતરીની મિનિટોમાં જ પહેરી લીધી હતી. પોલીસ સાથે દલીલ કરીને ત્યાંથી જવા દેવા માટે રિક્વેસ્ટ કરવી કે દંડ ભરવો એ બે ચૉઇસ હતી. જોકે બાઇકસવારે અનોખો જુગાડ કર્યો. તેણે બ્લિન્કિટ પરથી હેલ્મેટ ઑર્ડર કરીને ગણતરીની મિનિટોમાં રસ્તા પર જ હેલ્મેટ મગાવીને રોડની કિનારે ઊભા રહીને બૉક્સ ખોલીને પહેરી લીધી. આ ઘટના ક્યાંની છે એ વિશે સોશ્યલ મીડિયામાં કોઈ સ્પષ્ટતા નથી, પરંતુ એમાં બ્લિન્કિટની જાહેરાત ઉપરાંત સેફ્ટી માટે હેલ્મેટ પહેરવાના નિયમના પાલનને પણ પ્રમોટ કરવામાં આવ્યું હોવાથી એની સરાહના થઈ રહી છે.