છોકરાએ સાઈકલની જીદ કરી તો પપ્પાએ કર્યો કંઈક આવો જુગાડ, જુઓ વીડિયો....

છોકરાએ સાઈકલની જીદ કરી તો પપ્પાએ કર્યો કંઈક આવો જુગાડ, જુઓ વીડિયો....

પંજાબ (Punjab)ના લુધિયાના (Ludhiana)માં એક પિતાએ ઘર બેઠા જ તેના છોકરા માટે સ્કૂટર જેવી દેખાતી સાઈકલનો જુગાડ કર્યો છે. આ સંબંધિત વીડિયો પણ ખૂબ વાઈરલ થઈ રહ્યો છે. કોરોનાને લીધે પિતા બાળકને નવી સાઈકલ અપાવી શકવાની સ્થિતિમાં ન હોવાથી ઘરે જ એક યુનિક સાઈકલ બનાવી છે.

પંજાબમાં લુધિયાનાનાં લખોવલ ગામમાં આઠમાં ધોરણમાં ભણતો હરમનજોતે પપ્પાની મદદથી સ્કૂટર જેવી દેખાતી સાઈકલ બનાવી છે. આ સાઈકલનો આગળનો લુક સ્કૂટર જેવો છે પણ ચાલે છે તે પેડલથી જ. વીડિયોમાં છોકરો પેડલ મારીને આ સ્કૂટર જેવી દેખાતી સાઈકલને ચલાવતા દેખાય છે. સામે ઉભેલી વ્યક્તિને એમ જ લાગે કે સ્કૂટર આવી રહ્યું છે.

ન્યૂઝ એજન્સી એએનઆઈ સાથે વાત કરતા હરમનજોતે કહ્યું કે, COVID-19ને લીધે પિતા મને નવી સાઈકલ ન અપાવી શક્યા તેથી અમે આને ઘરે જ બનાવી છે.

25 ઑગસ્ટે શૅર કરવામાં આવેલો આ વીડિયો અત્યારસુધી 27 હજારથી પણ વધુ લોકોએ જોયો છે. 800થી વધુ લાઈક્સ અને સેંકડો રી-ટ્વીટ થયા છે. લોકોને પિતાનો દેશી જુગાડ ગમ્યો હતો. યુઝર્સ બહુત અચ્છે, દેશી જુગાડ જેવી ટિપ્પણી આપીને પિતાની મહેનતને બિરદાવી હતી.