આ બાળકીની ક્યુટનેસ પર મર જાવાં...

આ વિડિયો ક્યાંનો છે અને ક્યારે લેવામાં આવ્યો છે એના વિશે સ્પષ્ટતા નથી

બાળકી

ઇન્ટરનેટ પર એક નાની બાળકીનો વિડિયો વાઇરલ થયો છે, જે ઍરપોર્ટ પર સિક્યૉરિટી અધિકારીને પોતાનાં આન્ટીને ગુડબાય કહેવા માટે પૂછી રહી છે. આ નાનકડી પ્રેમાળ બાળકીના વર્તન અને હાવભાવે નેટિઝન્સનું દિલ જીતી લીધું છે.

આ વિડિયો શરૂ થાય છે ત્યારે લાલ ફ્રૉક પહેરેલી એક નાનકડી બાળકી ઍરપોર્ટના સુરક્ષા અધિકારી સામે ઊભી છે. બાળકી તેમની પાસે પોતાની આન્ટીને ભેટીને ગુડબાય કહેવા માટે પરવાનગી માગે છે. અધિકારી તેને પરવાનગી આપતાં જ તે આન્ટી પાસે દોડીને જાય છે અને તેમને ભેટી પડે છે.

આ વિડિયો ક્યાંનો છે અને ક્યારે લેવામાં આવ્યો છે એના વિશે સ્પષ્ટતા નથી, પણ ગઈ કાલથી વિડિયો ઇન્ટરનેટમાં ખૂબ જ વાઇરલ થયો છે. અત્યાર સુધીમાં ૫.૬૦ લાખ વ્યુઝ અને ૬૦,૦૦૦થી વધુ લાઇક્સ વિડિયોને મળી ચૂક્યા છે. ઘણા યુઝર્સે એવું લખ્યું છે કે આ દૃશ્ય કતારના હમાદ ઍરપોર્ટનું હોય એવું લાગે છે. કમેન્ટ્સમાં યુઝર્સે બાળકીના સંવેદનની સરાહના કરી છે અને ભાવભરી કમેન્ટ્સ લખી છે.