21 May, 2026 10:34 AM IST | Tehran | Gujarati Mid-day Correspondent
લગ્નસમારોહ
ઈરાનની રાજધાની તેહરાનમાં એક અભૂતપૂર્વ અને ચર્ચાસ્પદ સામૂહિક લગ્નસમારોહનું આયોજન થયું હતું. આ કાર્યક્રમમાં આશરે ૧૦૦૦ જેટલાં યુગલોએ એકસાથે લગ્ન કર્યાં હતાં જેને ઈરાન સરકારે ‘જાન-ફદા’ અભિયાન નામ આપ્યું હતું. આ લગ્નસમારોહની સૌથી ખાસ અને આકર્ષક બાબત એ હતી કે આમાં પરંપરાગત વૈભવી કારોને બદલે મિલિટરી વાહનોનો વેડિંગ કાર તરીકે ઉપયોગ કરવામાં આવ્યો હતો. આ અનોખાં લગ્નમાં સેનાની જીપ અને આર્મીનાં વાહનોને ગુલાબી રંગના ફુગ્ગાઓ અને રંગબેરંગી ફૂલોની માળાઓથી આકર્ષક રીતે શણગારવામાં આવ્યાં હતાં. સોશ્યલ મીડિયા પર વાઇરલ થયેલા વિડિયોમાં નવદંપતીઓ આ શણગારેલી લશ્કરી જીપોમાં સવાર થઈને જતાં જોવા મળી રહ્યાં છે. મિલિટરી કાફલાનો આવો રોમૅન્ટિક અને મંગલમય ઉપયોગ જોઈને ઇન્ટરનેટ યુઝર્સ પણ આશ્ચર્યચકિત થઈ ગયા છે.
મિડલ ઈસ્ટમાં ચાલી રહેલા ભારે તનાવ વચ્ચે તેહરાનની સડકો પર આ પ્રકારે લશ્કરી વાહનોમાં વર-વધૂની સવારી નીકળતાં આ ઘટના આખા વિશ્વમાં ભારે ચર્ચા જગાવી રહી છે.
