એક ભારતીય અબજોપતિ યુગલ વિયેટનામમાં ૪૭ કરોડ રૂપિયાના ખર્ચે લૅવિશ લગ્ન કરશે

વિયેટનામના ન્હા ટ્રાંગમાં ભારતીય અબજોપતિ યુગલના પાંચ દિવસીય ભવ્ય લગ્નનું આયોજન કરવામાં આવી રહ્યું છે. ૧૪૦૦થી વધુ મહેમાનો માટે યોજાનારા આ લગ્નમાં અંદાજે ૪૭ કરોડ રૂપિયાનો ખર્ચ થશે.

તસવીર સૌજન્ય એઆઈ

વિયેટનામના ન્હા ટ્રાંગ શહેરમાં એક ભારતીય અબજોપતિ યુગલનાં શાનદાર અને લક્ઝુરિયસ લગ્નનો જલસો પ્લાન થઈ રહ્યો છે. પાંચ દિવસના આ લગ્નસમારંભમાં ૧૪૦૦થી વધુ મહેમાનો હાજર રહેવાના છે. વિયેટનામના કોસ્ટલ સિટીના રિસૉર્ટમાં થનારાં આ લગ્નમાં તમામ ટ્રેડિશનલ વિધિઓ, રિસેપ્શન અને એન્ટરટેઇન્મેન્ટ શોઝ યોજાશે. ભારતીય અબજોપતિ પરિવારના આ સુપર લક્ઝુરિયસ વેડિંગમાં લગભગ ૪૭ કરોડ રૂપિયાનો ખર્ચ અંદાજિત છે. એના માટે વિયેટનામના કલ્ચર, સ્પોર્ટ્‍સ અને ટૂરિઝમ ડિપાર્ટમેન્ટના લીડરે આ લગ્ન વિશે કહ્યું હતું કે આ લગ્નના આયોજન થકી લગભગ ૬૦૦ લોકોને રોજગાર મળશે.  ડિસેમ્બર મહિનામાં આ લગ્ન હશે. ભારતથી ચાર્ટર્ડ ફ્લાઇટમાં મહેમાનોને વિયેટનામ લાવવામાં આવશે. મહેમાનો રિસૉર્ટમાં ચાર રાત રોકાશે અને રોજ દિવસમાં બે મોટી ઇવેન્ટ્સ અને સેરેમની હશે. આ વિયેટનામનું અત્યાર સુધીનું સૌથી ગ્રૅન્ડ ઇન્ડિયન વેડિંગ હોવાનું મનાઈ રહ્યું છે.