26 July, 2020 09:47 AM IST | Mumbai Desk | Mumbai correspondent
ગાર્મેન્ટ શૉપમાં સાડી પહેરેલું પૂતળું સૅનિટાઇઝર લઈને ફરે છે
તામિલનાડુની એક કપડાની દુકાનમાં સાડી પહેરાવેલું મૅનિકિન ઇલેક્ટ્રિસિટી વડે પૈંડાં પર ચાલતા રોલર પર ફરે છે અને ફરતાં-ફરતાં ગ્રાહકો તથા સ્ટાફર્સ હાથ ધરે તો તેમને સૅનિટાઇઝર પણ આપે છે. એ દૃશ્યનો વિડિયો સોશ્યલ મીડિયા પર ખૂબ ફરી રહ્યો છે. ટ્વિટર પર આ વિડિયો પોસ્ટ કરતાં ઇન્ડિયન ફૉરેસ્ટ સર્વિસનાં અધિકારી સુધા રમણ લખે છે કે ‘તામિલનાડુના કપડાંના શોરૂમમાં ટેક્નૉલૉજીનો પ્રશંસનીય સદુપયોગ થઈ રહ્યો છે. સાડી પહેરેલું ઑટોમૅટિક મૅનિકિન શોરૂમમાં ગ્રાહકો અને સ્ટાફર્સની આસપાસ ફરે છે અને જેમને સૅનિટાઇઝર જોઈએ તેમને આપે છે. કોરોના રોગચાળાની વિદાય પછી ટેક્નૉલૉજીના ઘણા નવા ઉપયોગ જોવા મળશે અને હવે આવી ટેક્નૉલૉજીનાં નવાં સંશોધનો પણ પ્રકાશમાં આવશે એવું લાગે છે.’