08 May, 2020 09:01 AM IST | Mumbai Desk | Mumbai Correspondent
રિવર્સમાં કાર ચલાવતાં પાર્કિંગમાં ઊભેલી બીજી બે કાર પર કાર ચડી ગઈ
અમેરિકાના ફ્લૉરિડામાં એક બૅન્કના પાર્કિંગમાંથી બહાર નીકળી રહેલા ડ્રાઇવરે આકસ્મિક રીતે અન્ય બે કાર પર પોતાની કાર ચડાવી દીધી હતી. સિટ્રસ કાઉન્ટી શૅરિફની ઑફિસે જણાવ્યા અનુસાર ડ્રાઇવર રિવર્સમાં બહાર નીકળી રહ્યો હતો ત્યારે પુરજોશમાં તે ખાસ્સો દૂર પહોંચી ગયો હતો. આ સંપૂર્ણ ઘટનાને જોનાર વ્યક્તિનું કહેવું છે કે આ વાહન રસ્તાની વચ્ચે પહોંચીને યુટર્ન લેવા જઈ રહ્યું હતું ત્યારે બૅન્કક પાર્કિંગ-લૉટમાં ઊભેલી કાર પર તેની કાર ચડી ગઈ હતી. જોકે આ ઘટનામાં કોઈને ઈજા થઈ નથી. ઘટનાની તપાસ કરવામાં આવી રહી છે.