01 November, 2020 08:38 AM IST | Chhattisgarh | Gujarati Mid-day Correspondent
માટીનો દીવડો
મધ્ય પ્રદેશના છત્તીસગઢના કોડા ગામમાં રહેતા અશોક ચક્રધારીએ કલાકો સુધી પ્રજ્વલિત રહી શકે એવો માટીનો દીવડો બનાવ્યો છે. આ દીવા માટે તેમને નૅશનલ મેરિટ અવૉર્ડ સર્ટિફિકેટ પણ એનાયત થયું છે. અશોક ચક્રધારીનું કહેવું છે કે ૩૫ વર્ષ પહેલાં મેં આવો દીવો જોયો હતો, જેને ધ્યાનમાં રાખીને જ મેં દીવો તૈયાર કર્યો છે. આ દીવો સતત ૪૦ કલાક સુધી બળતો રહે એવો છે. આ દીવાનો એક વિડિયો સોશ્યલ મીડિયામાં વાઇરલ થઈ ગયો અને રાતોરાત તેને સોશ્યલ મીડિયા થકી દીવા માટેના ઑર્ડર મળવા લાગ્યા ત્યારે છેક તેમને ખબર પડી કે આ વિડિયોને કારણે દીવડો ભારે ડિમાન્ડમાં છે. આ વર્ષે નવરાત્રિમાં જ તેમને દીવાની માગણી કરતો ફોન આવ્યો ત્યારે તેને ઇન્ટરનેટ પર દીવાનો વિડિયો વાઇરલ થયો હોવાની જાણ થઈ હતી. અમે રોજ આવા ૫૦-૬૦ દીવા તૈયાર કરીએ છીએ, જેની કિંમત ૨૦૦થી ૨૫૦ રૂપિયા રાખી છે.