24 August, 2019 08:55 AM IST | અમેરિકા
મેદસ્વિતાને કારણે બાળપણમાં અનેક વાર સહાધ્યાયીઓ દ્વારા અપમાન સહન કરવું પડ્યું હોય એવા છોકરા-છોકરીઓ પુખ્ત થાય ત્યારે તેમને માનસિક ગ્રંથિ રહી જાય એવું સંભવ છે. જોકે અમેરિકાના ટેનેસી રાજ્યના નેશવિલમાં રહેતી હેઝલ નામની ૨૯ વર્ષની યુવતીએ વજનને લઈને થતી કમેન્ટ્સને અવગણીને પોતાના વજનને જ કમાવવાનું માધ્યમ બનાવી લીધું છે. અત્યારે તે ૩૯૨ પાઉન્ડ એટલે કે ૧૭૬ કિલો જેટલું વજન થઈ ગયું છે. હવે તે પોતાની ચરબીને છુપાડતી નથી, પણ દેખાડે છે. રાધર, ચરબી દેખાડીને જ રૂપિયા પણ કમાય છે. લોકો તેને એક જ સીટિંગમાં ખૂબબધું ખાતી જોવાના પૈસા ચૂકવે છે. કૅમેરા પર પોતાના જ પેટ પર થપાટો મારીને ચરબીને થપથપાવતી જોવા માટે પણ લોકો તેને પૈસા ચૂકવે છે. આ નવા પ્રોફેશનથી તે મહિને ૭૨થી ૭૫ હજાર રૂપિયા અને વર્ષેદહાડે નવ લાખ રૂપિયા કમાઈ લે છે.
આ પણ વાંચોઃ માલિકના મૃત્યુ પછી 15 જ મિનિટમાં પાળેલા કૂતરાએ પણ જીવ છોડ્યો
એક જ બેઠકે કૅમેરા સામે ૧૦,૦૦૦ કૅલરીનું ભોજન ખાઈને તે દર્શકો પાસેથી પૈસા પણ લે છે. નવાઈની વાત એ છે કે હેઝલને એક બૉયફ્રેન્ડ છે, પરંતુ તે એનું નામ કે ઓળખ જાહેર કરવા નથી માગતી. જોકે તેનું કહેવું છે કે તેના બૉયફ્રેન્ડને હું પાતળી છોકરીઓ કરતાં વધુ સેક્સી લાગું છું.