15 February, 2026 02:47 PM IST | Britain | Gujarati Mid-day Correspondent
બ્રિટનની જર્નલિસ્ટ અને તેની પાર્ટનર
ગઈ કાલે વૅલેન્ટાઇન્સ ડે ઊજવાયો. એ પહેલાં જ કિસ ડે ગયો. આ દિવસે બ્રિટનની જર્નલિસ્ટ અને તેની પાર્ટનરે સૌથી ઓછા સમયમાં સૌથી વધુ કિસ કરવાનો રેકૉર્ડ બનાવ્યો હતો. આ કપલમાંથી એક મહિલાએ બીજી મહિલાના ગાલ પર સતત ચુંબનો આપ્યાં હતાં. ગિનેસ વર્લ્ડ રેકૉર્ડ્સના નિયમો મુજબ દરેક ચુંબનનો અવાજ આવવો જોઈએ અને જેનો અવાજ આવે એટલી જ કિસ કાઉન્ટ થઈ. એમ છતાં આ જોડીએ કિસ કરવામાં જબરી ઝડપ દેખાડી. ૩૦ સેકન્ડમાં ૧૪૬ વાર ગાલ પર કિસ કરી નાખતાં તેમના નામે ૩૦ સેકન્ડમાં સૌથી વધુ કિસનો વિશ્વવિક્રમ લખાઈ ગયો.
આ પહેલાં સૌથી વધુ કિસનો રેકૉર્ડ જર્મનીના એક યુગલના નામે હતો. જર્મનીના યુગલે ૩૦ સેકન્ડમાં ૭૪ કિસ કરી હતી. જૂના રેકૉર્ડથી બ્રિટિશ કપલે લગભગ ડબલ કિસ કરી હતી.
