22 November, 2019 10:06 AM IST | Vietnam
રસ્સી કૂદ રમતા બાળકો
વિયેટનામનો એક વિડિયો હાલમાં વાઇરલ થયો છે જેમાં બાળકો મરેલા સાપને પકડીને એની રસ્સી બનાવીને રસ્સીકૂદ રમી રહ્યા છે. એક મહિલાએ આ ઘટનાનું રેકૉર્ડિંગ કર્યું છે. વિયેટનામમાં ઘરોમાં સાપ આવી ચડવા એ બહુ સામાન્ય ઘટના છે. અહીં બાળકો પણ સાપથી ડરતા હોય એવું જણાતું નથી. નાના સાપ અને અજગર પણ અહીં અનેક વાર રસ્તે ફરતા મળી જઈ શકે છે. એવામાં અહીંના બાળકોના એક વિડિયોએ ચકચાર જગાવી છે. ૨૭ સેકન્ડના વિડિયોમાં બાળકોએ સાપને બે છેડેથી પકડ્યો છે.
આ પણ વાંચો : 1843માં બનેલું દુનિયાનું સૌથી પહેલું ક્રિસમસ-કાર્ડ લંડનના મ્યુઝિયમમાં મુકાયું
કેટલાક બાળકો એને ગોળ-ગોળ ફેરવે છે અને બીજા બાળકો એ રસ્સી હોય એમ કૂદી રહ્યા છે. ટ્વિટર પર હવે પ્રાણીપ્રેમીઓએ હોબાળો મચાવ્યો છે અને આ સાપ કોણે માર્યો અને ક્યારે માર્યો એની તપાસ કરવી જોઈએ એવી ડિમાન્ડ કરી છે.