02 January, 2020 10:33 AM IST | China
વિશ્વની સૌપ્રથમ સ્માર્ટ ટ્રેન
વિશ્વની સૌપ્રથમ સ્માર્ટ ટ્રેન ચીનમાં શરૂ થઈ ગઈ છે જેની પહેલી ખેપ બીજિંગથી ઝાન્ગજિયાકો સુધીની હતી. ૫૬,૪૯૬ કરોડ રૂપિયાના ખર્ચે બનેલી આ સ્માર્ટ અને હાઈસ્પીડ ટ્રેન ડ્રાઇવર વિના દોડે છે.
૧૭૪ કિલોમીટરની સફર આ ટ્રેને દસ સ્ટૉપ સાથે ૪૭ મિનિટમાં પૂરી કરી છે. આ ટ્રેન ૩૫૦ કિલોમીટર પ્રતિ કલાકની મૅક્સિમમ સ્પીડથી દોડી શકે છે. એની અંદર ચાર્જિંગ, જીપીએસ અને લાઇટિંગ જેવી સુવિધાઓ પણ વાયરલેસ અને આર્ટિફિશ્યલ ઇન્ટેલિજસ સાથે જોડાયેલી છે. આ ટ્રેન શરૂઆત ૨૦૨૨ની સાલમાં થનારા ઑલિમ્પિક રમતોત્સવને ધ્યાનમાં રાખીને કરવામાં આવી છે.
આ પણ વાંચો : 11 વર્ષનો છોકરો 100 કિલો વજન ઊંચકીને બન્યો સ્ટ્રૉન્ગેસ્ટ ચાઇલ્ડ
સ્વચાલિત હોય એવી આ પહેલી સ્માર્ટ અને હાઈ સ્પીડ ટ્રેન હોવાનો ચીનનો દાવો છે. એને ચલાવવા માટે કોઈ જ ઑપરેટર નથી રાખવામાં આવ્યો. એક જ વ્યક્તિ ડ્રાઇવર બોર્ડ પર હશે જે માત્ર કટોકટીભરી સ્થિતિ પર નજર રાખશે. આ ટ્રેનનું મેઇન્ટેનન્સ અને રિપેરિંગ પણ રોબો દ્વારા થશે.