૪૫૫૦૦ વર્ષ જૂનું ગુફાઓમાં દોરાયેલું ભૂંડનું ચિત્ર ઇન્ડોનેશિયામાં મળ્યું

૪૫૫૦૦ વર્ષ જૂનું ગુફાઓમાં દોરાયેલું ભૂંડનું ચિત્ર ઇન્ડોનેશિયામાં મળ્યું

ભૂંડનું ચિત્ર

ઇન્ડોનેશિયાના સુલાવેસી ટાપુ પર એક પ્રાચીન ગુફાચિત્ર મળ્યું છે. જર્નલ ઑફ સાયન્સ ઍડ્વાન્સિસમાં પ્રકાશિત સંશોધન-લેખમાં અપાયેલી માહિતી અનુસાર જંગલી ભૂંડનું એ લાઇફસાઇઝ પેઇન્ટિંગ ૪૫,૫૦૦ વર્ષ જૂનું છે. ભૂંડના એ ચિત્રની ઉપર બે હાથની છાપ પણ છે. આ ગુફાચિત્ર ૨૦૧૭માં સરકારની સર્વે કરનાર ટીમ સાથે ગયેલા પીએચડીના વિદ્યાર્થી બસરન બુરહાને સુલાવેસીની લિયાંગ તેડોંગંજે ગુફામાં શોધ્યું હતું. પુરાતત્ત્વશાસ્ત્રીઓની દૃષ્ટિએ આ અત્યંત મહત્ત્વપૂર્ણ સંશોધન છે.  ૧૩૬ સેન્ટિમીટર લાંબું અને ૫૪ સેન્ટિમીટર પહોળું એ ચિત્ર અગાઉ કોઈ પણ પશ્ચિમી સંશોધકોના ધ્યાનમાં ન આવ્યું હોવાનું બુજિસ નામની સ્થાનિક આદિજાતિના લોકોએ જણાવ્યું હતું. સૌથી પ્રાચીન એવા ગુફા-ખડક પરનાં ચિત્રોમાં અગાઉની નોંધ ૪૩,૯૦૦ વર્ષ પૂર્વેના ચિત્રની છે. એ ચિત્ર પણ સંશોધનકારોની આ જ ટીમે સુલાવેસી ટાપુ પર શોધ્યું હતું.