26 July, 2021 05:51 PM IST | mumbai | Gujarati Mid-day Online Correspondent
વાયરલ વીડિયોમાંથી
કોરોનાને કારમે લોકોની જીવનશૈલી બદલાઈ છે. ઓફિસોને તાળા લાગી જતા લોકોની કામ કરવાની રીત પણ બદલાઈ છે. ઓફિસ બંધ હોવાથી કર્મચારીઓ હાલ વર્ક ફ્રોમ હોમ (Work from home)કરી રહ્યા છે. જેથી કર્મચારીઓ ઓફિસના કામ સાથે અન્ય કામ પણ કરી રહ્યા છે. આ દરમિયાન સોશિયલ મીડિયામાં એક લગ્નનનો વીડિયો વાયરલ (Viral video of groom) થઈ રહ્યો છે. આ વીડિયો ખુબ જ રસપ્રદ છે. યુર્ઝસ આ વીડિયો પર ફની કોમેન્ટ્સ કરી રહ્યા છે.
સોશિયલ મીડિયા પર આ વીડિયોને ખુબ જ પસંદ કરવામાં આવી રહ્યો છે. આ વીડિયોમાં દુલ્હો લગન મંડપમાં બેઠા બેઠા લેપટોપ (Work from wedding)પર કામ કરતો જોવા મળી રહ્યો છે. વાયરલ વીડિયોમાં જોઈ શકાય છે કે દુલ્હો લગ્નની વિધિ દરમિયાન લેપટોપ અને મોબાઇલ લઈને લગ્ન મંડપમાં ઓફિસનું કામ કરી રહ્યો છે. આ વીડિયોને જોઈને યૂઝર્સે કૉમેન્ટ્સનો વરસાદ વરસાવી દીધો છે.મંડપમાં બેઠેલા પંડિત મંત્રો બોલી રહ્યા છે અને દુલ્હો લેપટોપ પર કામ કરી રહ્યો છે.
વીડિયોમાં જોઈ શકાય છે કે દુલ્હો કામમાં એટલો તો વ્યવસ્ત છે કે તેને એનું પણ ભાન નથી કે તેની આસપાસ શું થઈ રહ્યું છે. દુલ્હાનું કામ પૂર્ણ થયા બાદ ફરીથી લગ્નની વિધિ શરૂ કરવામાં આવી હતી.
તો બીજી બાજુ મંડપમાં દુલ્હન પોતાની સખીઓ સાથે બેઠેલી જોવા મળે છે. આ દ્રશ્ય જોઈ દુલ્હન પણ પોતાનું હસવાનું રોકી શકી ન હતી. આ આખો વીડિયો કોઈએ ઇન્ટરનેટ પર મૂકી દીધો હતો. દુલ્હાના લગ્નની વિધિને બદલે કામ કરતો જોઈને દુલ્હન હસી રહી છે.
આ વીડિયોને ઇન્સ્ટાગ્રામ પર જયરાજ વિજય સિંહ દેશમુખ નામના યૂઝરે પોસ્ટ કર્યો છે. અનેક યૂઝર્સ આ વીડિયો જોઈ ચૂક્યો છે અને પોતાની કૉમેન્ટ્સ પણ આપી ચૂક્યા છે. એક યૂઝરે કોમેન્ટ કરી લખ્યું કે, દુલ્હો હનીમૂન માટે પોતાની રજા બચાવી રહ્યો તો અન્ય એક યૂઝરે કહ્યું કે આ આઈટી કંપનીમાં કામ કરતો હશે.
એક યુઝરે ખુબ જ ફની અને રસપ્રદ કોમેન્ટ કરી લખ્યું કે, દુલ્હો પોતાના લેપટોપમાંથી તેની જૂની ગર્લફ્રેન્ડના ફોટોઝ ડિલીટ કરી રહ્યો લાગે છે. જ્યારે બીજા એક યુઝરે કહ્યું કે દુલ્હો અન્ય લોકો લગ્ન વિધિ જોઈ શકે તે માટે લેપટોપમાં સેટિંગ કરી રહ્યો હશે. ઘણી વાર આવા ફની વીડિયો લોકોના ચહેરા પર સ્માઈલ લાવી દેતા હોય છે. જોકે સોશિયલ મીડિયા પર અવાર નવાર આવા વીડિયો વાયરલ થતા રહેતા હોય છે. જે ક્યારેક વિવાદ ઉભો કરતા હોય છે તો ક્યારેક લોકોના મનોરંજનનુ માધ્યમ બનતા હોય છે.