મધ્ય પ્રદેશમાં ચોરો ૨૯ લાખ રૂપિયા ભરેલું એટીએમ મશીન જ ઉઠાવી ગયા

મધ્ય પ્રદેશમાં ચોરો ૨૯ લાખ રૂપિયા ભરેલું એટીએમ મશીન જ ઉઠાવી ગયા

પ્રતિકાત્મક તસ્વીર

મધ્ય પ્રદેશના સતના જિલ્લાના અમરપાટણ શહેરમાં ચોરોની ટોળકીએ ગુરુવારે રાત્રે ૨૯ લાખ રૂપિયા ભરેલું એટીએમ મશીન ચોરી લીધું હોવાનું અમરપાટણ પોલીસ સ્ટેશનના ઇન-ચાર્જ આર. પી. મિશ્રાએ ગઈ કાલે જણાવ્યું હતું.
અમરપાટણ-સતના મેઇન રોડ પર ઇન્સ્ટોલ કરાયેલું એટીએમ મશીન એક ખાનગી બૅન્કની માલિકીનું હતું. ઘટના સ્થળના સીસીટીવી કૅમેરાના ફુટેજ પરથી જણાયું હતું કે મશીનમાંથી પૈસા કાઢવાના નિષ્ફળ પ્રયાસો બાદ ચોરો મશીન ડિસકનેક્ટ કરી સાથે લાવેલા વાહનમાં ઉઠાવી ગયાં હતાં. સ્થાનિકોએ એટીએમ ગાયબ હોવા સંબંધે પોલીસને જાણ કરતાં પોલીસ ઘટના સ્થળે દોડી આવી હતી. પોલીસ સીસીટીવી કૅમેરાના ફુટેજ પરથી ચોરોને પકડવાનો પ્રયાસ કરી રહી છે.