20 October, 2012 06:20 AM IST |
સુપ્રીમ કોર્ટે જોકે એવી શરત મૂકી છે કે ફિલ્મમાં આ સૉન્ગમાં જ્યારે તાતા, બિરલા અને બાટાનો ઉલ્લેખ થશે ત્યારે આ નામનો ઉલ્લેખ જે-તે ઉદ્યોગપતિઓની ઇમેજને નુકસાન પહોંચાડવાના હેતુસર નથી કરવામાં આવ્યો એવી સ્પષ્ટતા કરતું સ્ટેટમેન્ટ દર્શાવવું પડશે.
સુપ્રીમ કોર્ટના ચીફ જસ્ટિસ અલ્તમસ કબીરના વડપણ હેઠળની બેન્ચે ગઈ કાલે આ આદેશ આપતાં ફિલ્મમેકરને ભવિષ્યમાં કોઈની લાગણીને ઠેસ ન પહોંચે એનું ધ્યાન રાખવાની તાકીદ કરી હતી. જાણીતી શૂ-મેકર કંપની બાટાએ આ ફિલ્મના સૉન્ગમાં તેમના નામના ઉલ્લેખ સામે વાંધો ઉઠાવતાં આ અરજી કરી હતી. બાટા ઉપરાંત તાતા જૂથે પણ આ ગીતનો વિરોધ કર્યો હતો. અગાઉ દિલ્હી હાઈ કોર્ટે પણ ફિલ્મને વિવાદાસ્પદ સૉન્ગ સાથે રિલીઝ કરવાની મંજૂરી આપી હતી. ફિલ્મ ‘ચક્રવ્યૂહ’ ૨૪ ઑક્ટોબરે દશેરાના દિવસે રિલીઝ થશે.