07 October, 2022 08:25 AM IST | Bangalore | Gujarati Mid-day Correspondent
મંડ્યા જિલ્લામાં ગઈ કાલે કૉન્ગ્રેસની ભારત જોડો યાત્રામાં પાર્ટીના નેતાઓ અને કાર્યકરોની સાથે કૉન્ગ્રેસનાં વચગાળાનાં અધ્યક્ષ સોનિયા ગાંધી અને રાહુલ ગાંધી.
સોનિયા ગાંધી ગઈ કાલે કર્ણાટકમાં તેમના દીકરા રાહુલ ગાંધીની ભારત જોડો યાત્રામાં જોડાયાં હતાં. આરોગ્યની ચિંતાઓ છતાં લાંબા સમય બાદ તેઓ કોઈ જાહેર કાર્યક્રમમાં જોડાયાં હતાં.
બીજી તરફ કર્ણાટકના મુખ્ય પ્રધાન બસવરાજ બોમ્મઈએ કટાક્ષ કરતાં કહ્યું હતું કે તેઓ માત્ર અડધો કિલોમીટર ચાલ્યાં હતાં અને જતાં રહ્યાં. તેમણે એમ પણ જણાવ્યું હતું કે આ યાત્રા જ્યાં વિધાનસભાની ચૂંટણી યોજાવાની છે એવા કર્ણાટકમાંથી પસાર થઈ રહી છે, પરંતુ એની આ રાજ્ય પર કોઈ અસર નહીં થાય. મંડ્યામાં રાહુલ ગાંધીની કૂચમાં કૉન્ગ્રેસનાં અધ્યક્ષ મોટી સંખ્યામાં કૉન્ગ્રેસના કાર્યકરો સાથે થોડુંક અંતર ચાલ્યાં હતાં ત્યાર બાદ કારમાં જતાં રહ્યાં હતાં.