બદ્રીનાથ જઈ રહેલાં શ્રદ્ધાળુઓની બસ ખીણમાં પડી, ૧૦ લોકોના મોત નિપજ્યાં

ઉત્તરાખંડના મુખ્યમંત્રી પુષ્કર સિંહ ધામીએ ટ્વિટર પર પોસ્ટ કર્યું, “રુદ્રપ્રયાગ (Rudraprayag Accident) જિલ્લામાં ટેમ્પો ટ્રાવેલરના અકસ્માતના ખૂબ જ દુઃખદ સમાચાર મળ્યા

તસવીર: પીટીઆઈ

રુદ્રપ્રયાગ (Rudraprayag Accident)માં બદ્રીનાથ હાઈવે પર એક મોટો માર્ગ અકસ્માત થયો અને એક ટેમ્પો ટ્રાવેલર નદીમાં પડી ગયો હતો. ટ્રાવેલરમાં લગભગ 23 મુસાફરો હતા. સ્ટેટ ડિઝાસ્ટર રિસ્પોન્સ ફોર્સ (SDRF) અને પોલીસની ટીમો બચાવ કામગીરી કરી રહી છે. આ અકસ્માતમાં આઠ લોકોના મોત થયા છે. ટીમ ઘાયલોને એમ્બ્યુલન્સ મારફતે હૉસ્પિટલ લઈ ગઈ છે. રાહત બચાવ કાર્ય ચાલુ છે.

ઉત્તરાખંડના મુખ્યમંત્રી પુષ્કર સિંહ ધામીએ ટ્વિટર પર પોસ્ટ કર્યું, “રુદ્રપ્રયાગ (Rudraprayag Accident) જિલ્લામાં ટેમ્પો ટ્રાવેલરના અકસ્માતના ખૂબ જ દુઃખદ સમાચાર મળ્યા. સ્થાનિક વહીવટીતંત્ર અને એસડીઆરએફની ટીમ રાહત અને બચાવ કામગીરીમાં લાગેલી છે. ઘાયલોને સારવાર માટે નજીકના મેડિકલ સેન્ટરમાં મોકલવામાં આવ્યા છે. જિલ્લા મેજિસ્ટ્રેટને ઘટનાની તપાસના આદેશ આપવામાં આવ્યા છે.”

તેમણે આગળ લખ્યું છે કે, “હું ભગવાનને પ્રાર્થના કરું છું કે મૃતકોની આત્માને શાંતિ મળે અને શોકગ્રસ્ત પરિવારના સભ્યોને આ અપાર દુઃખ સહન કરવાની શક્તિ આપે. હું બાબા કેદારને ઈજાગ્રસ્તોના ઝડપથી સાજા થવા માટે પ્રાર્થના કરું છું.”

આ દુર્ઘટના (Rudraprayag Accident)માં ઘાયલ થયેલા સાત લોકોની હાલત ગંભીર હોવાનું કહેવાય છે અને તેમને એરલિફ્ટ કરીને AIIMS ઋષિકેશમાં લઈ જવામાં આવ્યા છે. આ અકસ્માત કેટલો દર્દનાક હતો તે તમે ફોટામાં જોઈ શકો છો. ફોટામાં પ્રવાસી ખરાબ રીતે ક્ષતિગ્રસ્ત દેખાય છે.

પ્રવાસી યુપીથી રૂદ્રપ્રયાગ જઈ રહ્યા હતા

ગઢવાલના આઈજી કરણ સિંહ નાગ્યાલે જણાવ્યું હતું કે, “રુદ્રપ્રયાગ એસપી ઘટનાસ્થળે છે... ટેમ્પો ટ્રાવેલર નોઈડા (યુપી)થી રૂદ્રપ્રયાગ તરફ આવી રહ્યું હતું... તે 150-200 મીટર ઊંડી ખીણમાં પડી ગયું. 7 લોકોના મૃતદેહ મળી આવ્યા હતા. તેમને હૉસ્પિટલમાં લઈ જવામાં આવ્યા હતા, જેમાંથી ડ્રાઈવર ગંભીર રીતે ઘાયલ થયો હતો તે સ્પષ્ટ નથી કે વાહનમાં કેટલા લોકો હતા.”

નંદન સિંહ રાજવારે જણાવ્યું હતું કે, “શનિવારે સવારે લગભગ 11 વાગ્યે રૈતોલી ગામ પાસે આ અકસ્માત થયો હતો.” તેમણે જણાવ્યું કે, “ટેમ્પોમાં ત્રણ ક્રૂ મેમ્બર સહિત 23 લોકો હતા. વાહન રસ્તા પરથી લપસી ગયું અને લગભગ 250 મીટર નીચે અલકનંદા નદીમાં પડી ગયું.” તેમણે જણાવ્યું કે, “16 લોકોને સારવાર માટે જિલ્લા હૉ સ્પિટલમાં દાખલ કરવામાં આવ્યા છે. દુર્ઘટનાની માહિતી મળતા જ રાહત અને બચાવ ટીમ ઘટનાસ્થળે પહોંચી ગઈ હતી.”

ઉત્તરાખંડના મુખ્યપ્રધાન પુષ્કર સિંહ ધામીએ દુર્ઘટના પર શોક વ્યક્ત કર્યો હતો અને અધિકારીઓને ઘાયલોને જરૂરી સારવાર આપવાનો નિર્દેશ આપ્યો હતો. મુખ્યમંત્રીએ ટ્વિટર પર એક પોસ્ટમાં જણાવ્યું હતું કે સ્થાનિક વહીવટીતંત્ર અને સ્ટેટ ડિઝાસ્ટર રિસ્પોન્સ ફોર્સ (એસડીઆરએફ)ની ટીમ રાહત અને બચાવ કામગીરીમાં વ્યસ્ત છે. ઘાયલોને નજીકના મેડિકલ સેન્ટરમાં દાખલ કરવામાં આવ્યા છે. તેમણે જણાવ્યું કે ગંભીર રીતે ઘાયલોને હવાઈ માર્ગે એમ્સ ઋષિકેશ મોકલવામાં આવી રહ્યા છે.