દિલ્હીમાં મહિલા કૉર્પોરેટરે દોઢ વર્ષની દીકરીની હત્યા કરી સુસાઇડ કરી લીધું
સત્યમની રૂમમાંથી એક સુસાઇડ નોટ પણ મળી આવી હોવાની શંકા છે. જોકે તેને સત્તાવાર સમર્થન મળ્યું ન હતું. ૨૬ વર્ષની સત્યમ યાદવનાં લગ્ન અઢી વર્ષ પહેલાં પવન યાદવ સાથે થયાં હતાં. તેમને વંશિકા નામની દોઢ વર્ષની દીકરી હતી. એવું કહેવાય છે કે ગત વર્ષે સત્યમના સાસરી પક્ષે બળજબરીપૂર્વક તેને કૉર્પોરેશનની ચૂંટણીમાં ઉમેદવારી નોંધાવવાની ફરજ પાડી હતી. જોકે તે ચૂંટણી જીતી પણ હતી. સત્યમના ભાઈ પ્રશાંતે એવો દાવો કર્યો હતો કે સત્યમનાં સાસરિયાં લાંબા સમયથી દહેજને લઈને તેને હેરાન કરતાં હતાં.