27 February, 2020 08:54 PM IST | Delhi | Vinit Tripathi
નિર્ભયા ગેંગરેપ અને હત્યાના મામલે દિલ્હી હાઇ કોર્ટે મોટો ચૂકાદો આપ્યો છે અને જાહેર કર્યું છે કે દોષીઓની ફાંસી અંગે અઠવાડિયામા જ અનિવાર્ય કાયદિકસ વિકલ્પ લેવાનો નિર્દેશ આપ્યો છે. કોર્ટ અનુસાર દોષીઓ પાસે હવે એક જ અઠવાડિયું છે જેમાં તે જેટલા જોઇ તેટલા કાયદાકિય નુસ્ખાઓ અને ઉપાયનો ઉપયોગ કરી શકશે. હાઇ કોર્ટની અરજીનો ઉકેલ હાઇકોર્ટમાં જ લાવવો તેમ પણ કોર્ટે કહ્યું છે. કેન્દ્ર સરકારની યાચિકાને ખારીજ કરીને દિલ્હી હાઇ કોર્ટે સ્પષ્ટ કર્યું છે કે ચારેય ગુનેગારો સામે અલગ અલગ ડેથ વોરંટ નહી કરાય. એક અઠવાડિયા પાછી ડેથ વોરન્ટને લગતી કામગીરી શરુ થઇ જશે અને કોર્ટે તેના ફેંસલામાં એ પણ કહ્યું કે દિલ્હી કેદી કાનુન અનુસાર જો કોઇની પણ મર્સી પ્લિયા લંબિત હશે તો ફાંસી નહી આપી શકાય. આ તરફ જલ્દી ચુકાદો આપવાની માંગને લઇને નિર્ભયાના પરિવારે મંગળવારે દિલ્હી હાઇકોર્ટમાં આવેદન દાખલ કર્યું હતું.
દિલ્હી વિધાનસભા ચૂંટણીની અફરાતફરી મંગળવારે સંસંદમાં પણ સાંભળવા મળી. રાજ્ય સભામાં આમ આદમી પાર્ટીના સભ્ય સંજય સિંહે નિર્ભયાના દૌષીઓની ફાંસીમાં થઇ રહેલા વિલંબનો મુદ્દો ઉછાળતા કેન્દ્ર સરકારને કોર્નર કરવાની કોશીશ કરી અને દૌષીઓને તાત્કાલિક ફાંસી આપવાની માંગ કરી.આમ થતા કેન્દ્રિય મંત્રી પ્રકાશ જાવડેકરે સામે ઉત્તર વાળતા કહ્યું કે ફાંસીમાં વિલંબ માટે રાજ્ય સરકાર જવાબદાર છે. જેલ પ્રશાસનનો આધાર રાજ્ય સરકાર પર છે ને તેમણે જ આ મુદ્દો લટકાવી રાખ્યો છે. રાજ્ય સભામાં મંગળવારે જ્યારે આ મુદ્દો ઉછાળાયો ત્યારે સભાપતિ વૈંકૈયા નાયડુએ સાફ સાફ કહી દિધું કે આ મુદ્દાને વિવાદનો વિષય ન બનાવવો. આ બહુ સંવેદનશીલ અને અગત્યનો મુદ્દો છે. દેશભરના લોકોએ આ માટે આંદોલન કર્યું છે. ફાંસીમાં કોને લીધે વિલંબ થાય છે તેના કારણોમાં નથી જવું પણ જે લોકોનો આ પ્રશ્ન સાથે સંબંધ છે તેણણે પોતાની જવાબદારી યોગ્ય સમયે નિભાવવની જ રહી.
રાજ્ય સભામાં આ મુદ્દો ઉપાડાયો ત્યારે સદનના મોટાભાગનાં સદસ્યોએ દૌષીઓને જલ્દી ફાંસી આપવાની માંગને ટેકો આપ્યો. નિર્ભયાના ગુનેગારોની ફાંસીની તારીખ બે વાર ટાળવામાં આવી છે, છેલ્લે તેમને 1લી ફેબ્રુઆરીએ ફાંસી થવાની હતી પણ તે પણ ન થયું.