24 February, 2021 10:31 AM IST | New Delhi | Agency
પ્રતીકાત્મક તસવીર
બે દિવસ સુધી શાંતિ પછી મંગળવારે તેલ કંપનીઓએ ફરીથી ડીઝલ અને પેટ્રોલના ભાવમાં વધારો કરી દીધો છે. ગઈ કાલે દિલ્હીમાં પેટ્રોલમાં ૩૫ પૈસા પ્રતિ લિટરના વધારા સાથે ૯૦.૯૩ રૂપિયાની કિંમતે પહોંચ્યું છે. ડીઝલમાં પણ ૩૫ પૈસા પ્રતિ લિટરનો વધારો છે. દેશનાં અનેક શહેરોમાં પેટ્રોલ ૧૦૦ રૂપિયાને પાર થઈ રહ્યું છે. સોમવારે બ્રેન્ટ ક્રૂડ ૬૫ ડૉલર પ્રતિ બેરલના સ્તરને પાર કરી ગયું. તેલના ભાવ દેશમાં રેકૉર્ડ ઊંચાઈ પર ચાલી રહ્યા છે. પ્રીમિયમ પેટ્રોલ તો પહેલાંથી જ અનેક શહેરમાં ૧૦૦ રૂપિયાને પાર વેચાઈ રહ્યું છે.