૪G સ્પેક્ટ્રમની હરાજી આ વર્ષે જ : કપિલ સિબલ

૪G સ્પેક્ટ્રમની હરાજી આ વર્ષે જ : કપિલ સિબલ

આ મુદ્દે વાત કરતાં કપિલ સિબલે કહ્યું હતું કે ‘હાલમાં અમારી પાસે બધાને વહેંચવા માટે પૂરતા પ્રમાણમાં સ્પેક્ટ્રમ હોવાને કારણે આ વર્ષના અંત સુધીમાં જ તમામ ૪G સ્પેક્ટ્રમની વહેંચણીનું કામ હાથ ધરવામાં આવશે. હકીકતમાં સુપ્રીમ ર્કોટે ૨G સ્પેક્ટ્રમની ફાળવણી રદ કર્યા બાદ હાલમાં સરકાર પાસે પૂરતા પ્રમાણમાં રેડિયો વેવ્સ ઉપલબ્ધ છે. જોકે સરકારનો ઇરાદો તમામ સ્પેક્ટ્રમની હરાજી એકસાથે કરવાનો નથી, પણ આખરી નિર્ણય ટેલિકૉમ રેગ્યુલેટરી ઑથોરિટી ઑફ ઇન્ડિયા (ટ્રાઇ)ની ભલામણોને આધીન જ રહેશે. આ હરાજીની પ્રક્રિયા એકદમ ગૂંચવણભરી છે, પણ અમારો ઇરાદો એને સંપૂર્ણ પારદર્શક રીતે ન્યાય આપવાનો છે.’