02 November, 2012 05:29 AM IST |
અગ્રણી આંતરરાષ્ટ્રીય અકાઉન્ટિંગ કંપની અર્નેસ્ટ ઍન્ડ યંગના અહેવાલ મુજબ છેતરપિંડીની ઘટનાઓમાં સૌથી વધારે નુકસાન બૅન્કોને થયું છે. અહેવાલમાં એમ પણ જણાવવામાં આવ્યું છે કે ગત વર્ષની સરખામણીએ આ વર્ષે છેતરપિંડીની ઘટનાઓમાં ૩૬ ટકાનો વધારો થયો છે. સંસ્થાએ આ ૧.૮૦ લાખથી વધારે સમાચાર અહેવાલોની સમીક્ષા કર્યા બાદ આ આંકડા રજૂ કર્યા હતા. ફ્રૉડને કારણે બૅન્કોને કુલ ૩૭૯૦ કરોડનું નુકસાન થયું છે. ૨૦૧૧-’૧૨ના આ અહેવાલ મુજબ દિલ્હીમાં છેતરપિંડીના સૌથી વધારે બનાવો નોંધાયા હતા. ફ્રૉડના ૭૯ ટકા કેસો એવા હતા કે જેમાં જે-તે સંસ્થાના મૅનેજમેન્ટના ઉચ્ચ અધિકારીઓ જ તેમાં સંડોવાયેલા હતા.