16 November, 2019 08:24 AM IST | Haryana
ગૂગલ ડૂડલ
હરિયાણાના ગુડગાંવમાં રહેતી સાત વર્ષની દિવ્યાંશી સિંઘલ રજાના દિવસોમાં નાનીને ત્યાં લખનઉ ગઈ હતી. જ્યાં તેના ઘરની આસપાસના વૃક્ષો કાપી નાખવામાં આવ્યા હતા. એ જોઈને તે ખૂબ રડી. તેને સ્કૂલમાં ભણાવાયેલું કે વૃક્ષો કાપવાને કારણે આપણને ઓછો ઑક્સિજન મળે છે. રડતી બાળકીને શાંત કરવા તેની મમ્મીએ તેને ફોસલાવીને બીજે મન પરોવાય એ માટે ડ્રૉઇંગ શીટ આપીને કહ્યું કે કપાતાં વૃક્ષો જોઈને તેને જે વિચાર આવતો હોય એનું દૃશ્ય તે કાગળ પર દોરે. દિવ્યાંશીએ જે ચિત્ર દોર્યું એમાં વૃક્ષો તો હતાં જ પણ એની નીચે જૂતાં પહેરાવ્યાં. તેને લાગતું હતું કે જો ઝાડ પાસે જૂતાં અને પૈડાં હોય તો જ્યારે કોઈ એને કાપવા આવે ત્યારે એ પોતાને બચાવી શકશે. દિવ્યાંશીની મા દીપ્તિએ આ પેઇન્ટિંગને ગૂગલ દ્વારા આયોજિત ધ વૉકિંગ ટ્રીમાં મોકલી આપ્યું. નવાઈની વાત એ છે કે દિવ્યાંશીના આ પેઇન્ટિંગને ૧.૧ લાખ સ્પર્ધકોમાંથી નંબર વન મળ્યો. ચિલ્ડ્રન્સ ડે પર ગૂગલે આખો દિવસ આ ડૂડલ આખા દેશમાં દેખાડ્યું. વળી, પ્રાઇઝમાં દિવ્યાંશીને પાંચ લાખ રૂપિયાની કૉલેજની અને બે
લાખ રૂપિયાની સ્કૂલની સ્કૉલરશિપ આપવામાં આવશે.