27 December, 2018 01:29 PM IST |
મોડી રાત્રે GSAT લૉન્ચ કરાયો
ભારતીય અવકાશ એજન્સી ISROએ અત્યાર સુધી પોતાનો સૌથી વજનદાર સેટેલાઈટ લોન્ચ કરી દીધો છે. ભારતીય સમય પ્રમાણે મંગળવાર-બુધવારની રાત્રે દક્ષિણ અમેરિકાના ફ્રેન્ચ ગુયાનાના એરિયાનેસ્પેસના એરિયાને-5 રોકેટ દ્વારા આ સૌથી વધુ વજનદાર ઉપગ્રહ GSAT-11 લૉન્ચ કરી દેવાયો. સેટેલાઈટ લગભગ મોડી રાત્રે 2થી 3.30 વાગ્યાની વચ્ચે લોન્ચ કરાયો.
ISROના કહેવા પ્રમાણે લગભગ 5,854 કિલોગ્રામ વજનનો GSAT-11 ઉપગ્રહ દેશમાં બ્રોડબેન્ડ સેવા ઉપલબ્ધ કરાવવામાં મહત્વની ભૂમિકા ભજવશે.
ક્લીન રૂમમાં રહેલો GSAT (તસવીર સૌજન્યઃ ઈસરો)
સેટેલાઈટની ખાસ વાતો અને ફાયદાઃ
1. આ ઉપગ્રહને ઈન્ટરનેટ કનેક્ટિવિટી માટે ગેમ ચેન્જર ગણાવાઈ રહ્યો છે. આ સેટેલાઈટનું કામ શરૂ થયા બાદ દેશમાં ઈન્ટરનેટ સ્પીડમાં ક્રાંતિ આવશે. GSAT-11 દ્વારા દરેક સેકંડે 100 ગીગાબાઈટ કરતા વધુની બ્રોડબેન્ડ કનેક્ટિવિટી મળશે.
2. GSAT-11માં 40 ટ્રાન્સપોર્ડર કૂ-બેન્ડ અને કા બેન્ડ ફ્રિક્વન્સીમાં છે. તેની મદદથી જ હાઈ બેન્ડવીથ કનેક્ટિવિટી 14 ગિગાવાઈટ/ સેકન્ડ ડેટા ટ્રાન્સફર સ્પીડ શક્ય બનશે.
3. આ સેટેલાઈટની ખાસ વાત એ છે કે તે બીમ્સને વારંવાર વાપરવા સક્ષમ છે. જેના કારણે આખા દેશના ભૌગોલિક ક્ષેત્રને કવર કરી શકાશે. આ પહેલા જે સેટેલાઈટ લૉન્ચ કરાયા હતા, તેમાં બ્રોડ સિંગલ બીમનો ઉપયોગ કરાયો હતો. આ સિંગ બિમ વધુ વિસ્તારને કવર કરવા સક્ષમ નહોતા.
4. GSAT-11માં ચાર વધુ ક્ષમતાવાળા થ્રોપુટ સેટેલાઈટ છે. જે આગામી વર્ષથી દેશમાં દરેક સેકન્ડે 100 ગીગાબાઈટની બ્રોડબેન્ડ કનેક્ટિવિટી આપશે. ગ્રામીણ ભારતમાં ઈન્ટરનેટ ક્રાંતિ માટે આ સેટેલાઈટ સૌથી મહત્વનો છે.