20 April, 2026 07:29 AM IST | goa | Gujarati Mid-day Correspondent
ગયા વખતની મિસ ઇન્ડિયા નિકિતા પોરવાલે સાધ્વી સૈલને વિનરનો તાજ પહેરાવ્યો હતો.
ઓડિશાના ભુવનેશ્વરની કલિંગા ઇન્સ્ટિટ્યૂટ ઑફ ટેક્નૉલૉજી (KIIT)માં યોજાયેલી મિસ ઇન્ડિયા ૨૦૨૬માં ગઈ કાલે ગોવાની સાધ્વી સૈલે મિસ ઇન્ડિયાનો ખિતાબ જીતી લીધો હતો. જ્યારે બીજા સ્થાને રનર-અપ મહારાષ્ટ્રની રાજનંદિની પવાર રહી હતી. ગયા વખતની મિસ ઇન્ડિયા નિકિતા પોરવાલે સાધ્વીને વિનરનો તાજ પહેરાવ્યો હતો. હવે સાધ્વી સૈલ આવતા વર્ષે યોજાનારી મિસ વર્લ્ડ ૨૦૨૭માં ભાગ લેવા જશે.
સાધ્વીએ કૅનેડાની યુનિવર્સિટી ઑફ કોલમ્બિયામાંથી ઇકૉનૉમિક્સ ઍન્ડ ઇન્ટરનૅશનલ રિલેશનમાં ડબલ મેજર હાંસલ કર્યું છે. તે ઑન્ટ્રપ્રનર છે. તે કોકણી સહિત સ્પૅનિશ, પોર્ટુગીઝ એમ કુલ મળીને ૭ ભાષા બોલી શકે છે. તેણે આ પહેલાં તેના ઍકૅડેમિક અને સોશ્યલ વર્કને લઈને ઇન્ટરનૅશનલ સ્ટુડન્ટ ઇમ્પૅક્ટ અવૉર્ડ પણ મેળવ્યો છે.
બૉલીવુડના સ્ટાર્સના ઝગમગાટ વચ્ચે મનીષ પૉલ અને સારા જેન ડાયસે મિસ ઇન્ડિયા ફિનાલે હોસ્ટ કરી હતી. ઈશાન ખટ્ટરે જબરદસ્ત ડાન્સ પર્ફોર્મ કરી પ્રેક્ષકોને અવાક કરી દીધા હતા.
