છત્તીસગઢમાં પ્લેન-ક્રૅશનો દાવો કરતો વિડિયો વાઇરલ

જોકે સરકારે કહ્યું કે એવી કોઈ ઘટના નથી થઈ, જંગલનાં પત્તાંમાં લાગેલી આગને કારણે ધુમાડો થયો હતો

હેલિકૉપ્ટર પસાર થયું એ પછી ખીણમાંથી ઊઠેલા ધુમાડાને લીધે ક્રૅશની વાત વહેતી થઈ હતી

સોમવારે છત્તીસગઢના જશપુરમાં એક પ્રાઇવેટ પ્લેન ક્રૅશ થયું હોવાના સામાચાર ફેલાયા હતા, પરંતુ એ અફવા હોવાનું કહેવાય છે. જશપુરના કલેક્ટર રોહિત વ્યાસે ખુદ આ સમાચાર અફવા હોવાની પુષ્ટિ કરી હતી. તેમણે કહ્યું હતું કે જંગલમાં સૂકાં પત્તાંમાં લાગેલી આગને કારણે ધુમાડો થઈ રહ્યો હતો. એવામાં ખનિજ સર્વેનું કામ કરતા લોકોને નજીકમાં જ ધુમાડા પાસે હેલિકૉપ્ટરને ઊડતું જોતાં તેમને લાગ્યું હતું કે પ્લેન કે હેલિકૉપ્ટર ક્રૅશ થઈ ગયું છે. જોકે એવું કંઈ નથી.’

ઝારખંડ સરકારે પણ આવો કોઈ અકસ્માત થયો હોવાનું નકાર્યું હતું.