રામમંદિર ટ્રસ્ટના અધ્યક્ષનું વિવાદાસ્પદ નિવેદન

રામમંદિર ટ્રસ્ટના અધ્યક્ષનું વિવાદાસ્પદ નિવેદન

કોરોના વાઇરસના વધી રહેલા પ્રકોપ વચ્ચે રામમંદિર ટ્રસ્ટના અધ્યક્ષ નૃત્ય ગોપાલદાસે વિવાદાસ્પદ નિવેદન આપ્યું છે. તેમણે રામનવમીના અવસર પર લોકોને અયોધ્યા આવવાનું જણાવી કહ્યું, આ બીમારી તેમના માટે નથી અને ન તો કંઈ બગાડી શકશે.
નૃત્ય ગોપાલદાસે કહ્યું કે બીમારી બીજા માટે છે. રામનવમી પર આવતા શ્રદ્ધાળુઓ માટે નથી. આવી બીમારી તેમનું કંઈ ન બગાડી શકે. તેથી દર વર્ષની જેમ ચાલુ વર્ષે પણ મોટી સંખ્યામાં શ્રદ્ધાળુઓ અયોધ્યા આવે. નૃત્ય ગોપાલદાસને આ બીમારી મહામારી બની હોવાની જાણ નથી તેવું પણ નથી, તેમ છતાં લાખોની ભીડને રામનવમી પર અયોધ્યા બોલાવવા માગે છે.

તેમણે કહ્યું જે બીમારી ફેલાઈ છે તે મોટી બીમારી છે. તેથી આ બીમારીથી બચવાના ઉપાય કરવા જોઈએ. લોકોએ પરસ્પર એકઠાં ન થવું જોઈએ. અલગ-અલગ રહેવું જોઈએ અને કોઈ છુઆછૂત ન કરો. હાથ ન મિલાવો.