બિહારમાં નીતીશકુમારની પાર્ટીના ધારાસભ્યે જેલમાંથી માગી ખંડણી
બિહારની પટના સાહિબ ગ્રુપ ઑફ કૉલેજના ડાયરેક્ટર સંતલાલ યાદવે કહ્યું હતું કે મુન્ના યાદવે બે વખત તેમની પાસે ખંડણીની માગણી કરી હતી. મુન્નાએ એવી ધમકી પણ આપી હતી કે જો રકમ નહીં મળે તો તેમણે જાન ગુમાવવી પડે. મુન્ના યાદવ ઉત્તર બિહારના જેડીયુના બાહુબલી ધારાસભ્ય છે. યાદવના જણાવ્યા પ્રમાણે મુન્નાએ મુખ્ય પ્રધાનના અધિકાર યાત્રા માટે બે કરોડ રૂપિયા મોકલવાનો આદેશ આપ્યો હતો. મુન્ના યાદવ અત્યારે ભૂતપૂર્વ પ્રધાન બ્રિજબિહારીની હત્યાના કેસમાં આજીવન કેદની સજા ભોગવી રહ્યા છે.
જેડીયુ = જનતા દળ યુનાઇટેડ