18 August, 2020 02:21 PM IST | Dehradun | Gujarati Mid-day Online Correspondent
પ્રતીકાત્મક તસવીર
એક મહિલાએ ઉત્તરાખંડના BJP MLA વિરુદ્ધ 2016થી 2018 દરમિયાન ઘણી વખત રેપ કર્યા હોવાની પોલીસ ફરિયાદ નોંધાવી છે. જ્યારે MLAની પત્નીએ આ મહિલા વિરુદ્ધ બ્લેકમેઈલ કરવાની ફરિયાદ કરી છે.
ભાજપના વિધાનસભ્ય મહેશ નેગી વિરુદ્ધ નહેરૂ નગર પોલીસ સ્ટેશનમાં ફરિયાદ નોંધાઈ છે. આ મહિલાએ દાવો કર્યો છે કે તેના બાળકનો DNA ટેસ્ટ કરવામાં આવે જેથી સચ્ચાઈ સામે આવે. આ મહિલાએ કહ્યું કે તે વર્ષ 2016થી 2018 દરમિયાન નેગી સાથે મૈસુર, નૈનિતાલ, દિલ્હી, હિમાચલ પ્રદેશ અને નેપાળમાં પ્રવાસ કર્યો છે.
વર્ષ 2016માં આ મહિલાની માતા બિમાર પડતા તે MLAના સંપર્કમાં આવી હતી. તે વખતે આ મહિલા MLAની પાડોશી હતી અને રેપ બાબતે કોઈને ન જણાવે તે માટે MLAની પત્નીએ તેને રૂ.25 લાખની ઓફર કરી હતી.
ઉત્તરાખંડમાં રાજકીય ગરમાગરમી છે એવામાં સ્ટેટ કોંગ્રેસ પ્રેસિડેન્ટ પ્રિતમ સિંઘે કહ્યું કે, આ ગંભીર બાબત છે. મહિલાને એક બાળક પણ છે. સચ્ચાઈ જાણવા માટે આ બાળકનું DNA ટેસ્ટ કરવો જોઈએ.