21 November, 2019 12:47 PM IST | Bhuvneshwar
ધારાસભ્ય તારાપ્રસાદ બાહિનીપતિ
ઓડિશા વિધાનસભાનું શિયાળુ સત્ર ૧૩ નવેમ્બરથી ચાલી રહ્યું છે. કૉન્ગ્રેસના ધારાસભ્ય તારાપ્રસાદ બાહિનીપતિએ મંગળવારે સવાલ પૂછવાની તક મળતાંની સાથે જ સ્પીકર એસએન પાત્રો તરફ ફલાઇંગ કિસ ઉછાળી હતી. તેમની આ હરકત બાદ સમગ્ર વિધાનસભા હસવા લાગી. ધારાસભ્યોએ આ બાબતે વિરોધ પણ દર્શાવ્યો હતો. વિધાનસભાની બહાર નીકળ્યા બાદ બાહિનીપતિએ કહ્યું કે મારો ઈરાદો સ્પીકરને અપમાનિત કરવાનો ન હતો. મેં ધન્યવાદ આપવા માટે તેમની તરફ ફ્લાઇંગ કિસ ઉછાળી હતી.
બાહિનીપતિએ એ વાત પણ કરી કે સ્પીકરે મારા નબળા વિધાનસભા ક્ષેત્ર પ્રત્યે ચિંતા દર્શાવી. મારી ફ્લાઇંગ કિસ તેમની પ્રશંસા કરવા માટે હતી. હું વિધાનસભાના ૧૪૭ સભ્યોમાં સૌથી પહેલા પોતાને સવાલ પૂછવાની તક આપવા બદલ સ્પીકરનો આભારી છું.