06 February, 2019 01:01 PM IST | લખનઉ
માયાવતી (ફાઇલ ફોટો)
બહુજન સમાજ પાર્ટીના રાષ્ટ્રીય અધ્યક્ષ અને ઉત્તરપ્રદેશના પૂર્વ મુખ્યમંત્રી માયાવતીની એન્ટ્રી હવે સોશિયલ મીડિયા પર થઈ ગઈ છે. પાર્ટીની તરફથી આ સંબંધે સત્તાવાર જાણકારી આપવામાં આવી છે અને ટ્વિટર હેન્ડલ પણ જણાવવામાં આવ્યું છે.
આ ટ્વિટર અકાઉન્ટ 'સુશ્રી માયાવતી'ના નામથી ખોલવામાં આવ્યું છે. અકાઉન્ટ પ્રોફાઇલમાં લખનઉ 9, મોલ એવેન્યુનું એડ્રેસ આપવામાં આવ્યું છે. અહીંયા તેમનું નિવાસસ્થાન છે, સાથે જ બીએસપીની સેન્ટ્રલ કેમ્પ ઓફિસ પણ અહીંથી ચલાવવામાં આવે છે.
બહુજન સમાજ પાર્ટી તરફથી સત્તાવાર રીતે આ સંબંધે પ્રેસનોટ જાહેર કરવામાં આવી છે. બુધવારે (6 ફેબ્રુઆરી)ના રોજ જાહેર થયેલી આ પ્રેસનોટમાં જાહેરાત કરવામાં આવી છે કે બીએસપીની રાષ્ટ્રીય અધ્યક્ષ સુશ્રી માયાવતીએ પહેલીવાર ટ્વિટરના માધ્યમથી પણ લોકો અને મીડિયા સાથે સંવાદ કરવાનો નિર્ણય કર્યો છે. તેમનું ટ્વિટર અકાઉન્ટ @SushriMayawati છે.
સામાન્ય રીતે મીડિયાથી અંતર બનાવીને ચાલતા માયાવતીનું સોશિયલ મીડિયા પર આવવું લોકસભા ચૂંટણીને ધ્યાનમાં રાખતા મોટું પગલું માનવામાં આવી રહ્યું છે. સાથે જ દેશ-દુનિયાના તમામ મુદ્દાઓ પર અત્યાર સુધી માયાવતીના વલણની રાહ જોતા મીડિયા માટે પણ આસાની થવાની અપેક્ષા છે.
આ પણ વાંચો: યોગી સરકારની રોક છતાં 20 લાખ કર્મચારી આજથી હડતાળ પર
જોકે, માયાવતીનું આ ટ્વિટક અકાઉન્ટ ઓક્ટોબર, 2018માં બનાવવામાં આવ્યું છે. પરંતુ, બીએસપીએ આની સત્તાવાર જાહેરાત અત્યારે કરી છે. અત્યાર સુધી તેમના હેન્ડલ પરથી માત્ર 11 ટ્વિટ કરવામાં આવી છે. જાહેરાતની સાથે જ તેમના ફોલોઅર્સની સંખ્યામાં જાણે પૂર આવ્યું છે. જ્યારે માયાવતીએ અત્યાર સુધી કોઈપણ નેતા કે પાર્ટીને ફોલો કરી નથી. તેમણે અત્યાર સુધી ફક્ત ટ્વિટરના સપોર્ટને ફોલો કર્યું છે.
ટ્વિટર અકાઉન્ટની સાથે જ માયાવતી એક વેબસાઈટ પણ લાવી રહી છે. આ વેબસાઇટ sushrimayawati.in છે. જોકે, હાલ તેના પર કામ ચાલી રહ્યું છે. અપેક્ષા છે કે આ વેબસાઈટ પર બીએસપી સાથે જોડાયેલા કાર્યક્રમ પણ જોવા મળી શકે છે.