23 February, 2026 08:46 AM IST | Mumbai | Gujarati Mid-day Correspondent
પ્રતીકાત્મક તસવીર
IDFC ફર્સ્ટ બૅન્કમાં હરિયાણા સરકારના અકાઉન્ટમાં ફ્રૉડ થયું હોવાનો મામલો બહાર આવ્યો છે. બૅન્કે રિપોર્ટ કર્યો છે કે ચંડીગઢની એક બ્રાન્ચમાં હરિયાણા સરકારના અકાઉન્ટમાંથી ૫૯૦ કરોડ રૂપિયા કોઈ પરવાનગી વિના ઉઠાવી લેવાયા છે. IDFC ફર્સ્ટ બૅન્કે કહ્યું હતું કે ચંડીગઢ બ્રાન્ચના કેટલાક કર્મચારીઓ પણ હરિયાણા સરકારના અકાઉન્ટમાંથી ૫૯૦ કરોડ રૂપિયાનું ફ્રૉડ કરવામાં સામેલ હતા.
બૅન્કે સ્ટૉક એક્સચેન્જ ફાઇલિંગના માધ્યમથી કહ્યું હતું કે ‘કર્મચારીઓ અને બીજા અન્ય બહારના લોકોની સામે સખત શિસ્ત, સિવિલ અને ક્રિમિનલ કાર્યવાહી કરવામાં આવશે. હરિયાણા સરકારના એક ખાસ ડિપાર્ટમેન્ટ પાસેથી જાણકારી મળવા પર શરૂઆતમાં ઇન્ટર્નલ અસેસમેન્ટ કરવામાં આવ્યું હતું. એ પછી બૅન્કે ચંડીગઢની એક ખાસ બ્રાન્ચના કેટલાક કર્મચારીઓ દ્વારા પરવાનગી વિના થયેલી ગતિવિધિઓ પકડી પાડી હતી.’
મામલાની ગંભીરતા જોઈને ફ્રૉડના મામલાના મૉનિટરિંગ અને ફૉલોઅપ માટે ૨૦ ફેબ્રુઆરીએ બોર્ડની સ્પેશ્યલ કમિટીની બેઠક બોલાવવામાં આવી હતી. ૪ શંકાસ્પદ અધિકારીઓને તપાસ પૂરી થાય ત્યાં સુધી સસ્પેન્ડ કરી દેવામાં આવ્યા છે.
