ચૂંટણીપંચે ૩૩૪ પૉલિટિકલ પાર્ટી રદ કરી

દેશમાં હવે છ રાષ્ટ્રીય અને ૬૭ રાજ્યકક્ષાના સહિત ૨૫૨૦ રાજકીય પક્ષો

પ્રતીકાત્મક તસવીર

ચૂંટણીપંચે ગઈ કાલે ૩૩૪ પૉલિટિકલ પાર્ટીને ડીલિસ્ટ કરી હતી. આ પૉલિટિકલ પાર્ટી બિનમાન્યતા પ્રાપ્ત રાજકીય પક્ષો (રજિસ્ટર્ડ અનરેકગ્નાઇઝ્ડ પૉલિટિકલ પાર્ટીઝ-RUPP) તરીકે નોંધાયેલી હતી. આ ડીલિસ્ટિંગ કવાયત ચૂંટણીપ્રણાલીને સ્વચ્છ બનાવવા માટે ચૂંટણીપંચની વ્યાપક પ્રક્રિયાનો એક ભાગ છે. ભારતમાં કુલ ૨૮૫૪ RUPP હતા, જેમાંથી ૩૩૪ની બાદબાકી બાદ હવે ૨૫૨૦ પાર્ટીઓ બાકી રહે છે.

આ સિવાય ચૂંટણીપંચે જણાવ્યું હતું કે ‘દેશમાં નોંધાયેલા છ રાષ્ટ્રીય પક્ષો છે અને ૬૭ રાજ્યપક્ષો છે. રાજકીય પક્ષોની નોંધણી માટેની માર્ગદર્શિકા અનુસાર જે પક્ષ છ વર્ષ સુધી સતત ચૂંટણી લડતો નથી એને રજિસ્ટર્ડ પક્ષોની યાદીમાંથી દૂર કરવામાં આવે છે.’