હવેથી સ્કૂલો, કૉલેજોમાં પણ મળશે રસી

પ્રોજેક્ટ મુંબઈ હેઠળ ૧૫થી ૧૮ વર્ષના કિશોરોને સીધી જ સ્કૂલો અને કૉલેજોમાં રસી આપવામાં આવશે.

પ્રતીકાત્મક તસવીર

મુંબઈ ઃ પ્રોજેક્ટ મુંબઈ હેઠળ ૧૫થી ૧૮ વર્ષના કિશોરોને સીધી જ સ્કૂલો અને કૉલેજોમાં રસી આપવામાં આવશે. મંગળવારે મ્યુનિસિપલ કૉર્પોરેશન ઑફ ગ્રેટર મુંબઈ (એમસીજીએમ) સાથે મળીને આ પ્રોજેક્ટને આખરી ઓપ આપવામાં આવ્યો હતો. પોતાનાં સંસ્થાનોમાં મફત રસીકરણ કરાવવા ઇચ્છતી સ્કૂલો અને કૉલેજોએ આ માટે એમસીજીએમને collegevaccination@gmail.com પર ઈ-મેઇલ મોકલવાનો રહેશે. પ્રોજેક્ટ મુંબઈ હેઠળ મફત રસી પૂરી પાડવા ઉપરાંત રસીકરણના સ્થળે મેડિકલ-સ્ટાફ અને ઍમ્બ્યુલન્સ પણ તૈયાર રાખવામાં આવશે, જેનો ખર્ચ પ્રોજેક્ટ મુંબઈ ભોગવશે.