28 July, 2021 01:49 PM IST | Mumbai | Gujarati Mid-day Correspondent
પ્રતીકાત્મક તસવીર
થાણે જિલ્લાના ભિવંડીમાં ભારે વરસાદને કારણે બે માળના જૂના મકાનનો એક ભાગ ધ્વસ્ત થતાં બે સિનિયર સિટિઝનને ઈજા થઈ હતી. સુધરાઈના અધિકારીઓના જણાવ્યા પ્રમાણે ૬૦ વર્ષથી વધુ જૂનું મકાન ઝેન્ડ નાકા વિસ્તારમાં આવ્યું હતું. ફાયર વિભાગના સ્ટાફે ૭૦ વર્ષથી મોટી વયના બન્ને સિનિયર સિટિઝનને બચાવીને તેમને હૉસ્પિટલમાં ખસેડ્યા હતા. ઘરનો બાકીનો ભાગ જોખમી હોવાથી એને ધરાશાયી કરી દેવાયો હતો. આવા જ એક અન્ય બનાવમાં થાણેના કલ્યાણ શહેરમાં એક બિલ્ડિંગની બાલ્કનીનો ભાગ જમીનદોસ્ત થઈ ગયો હતો. જોકે આ ઘટનામાં કોઈને ઈજા થઈ નહોતી.