સંતાનની કસ્ટડી મામલે પતિએ પત્નીને મોતને ઘાટ ઉતારી દીધી

ચેમ્બુરમાં ૩૬ વર્ષના શખ્સે તેની પત્ની પર તીક્ષ્ણ હથિયાર વડે હુમલો કરીને તેને મોતને ઘાટ ઉતારી હતી. પતિ-પત્ની વચ્ચે સંતાનની કસ્ટડીને લઈને વિવાદ ચાલી રહ્યો હતો.

પ્રતીકાત્મક તસવીર

મુંબઈ (પી.ટી.આઇ.) : ચેમ્બુરમાં ૩૬ વર્ષના શખ્સે તેની પત્ની પર તીક્ષ્ણ હથિયાર વડે હુમલો કરીને તેને મોતને ઘાટ ઉતારી હતી. પતિ-પત્ની વચ્ચે સંતાનની કસ્ટડીને લઈને વિવાદ ચાલી રહ્યો હતો.
પોલીસે પરોઢિયે ટૅક્સી-ડ્રાઇવર આરોપી ઇકબાલ શેખની ધરપકડ કરી હતી એમ તિલકનગર પોલીસ સ્ટેશનના અધિકારીએ જણાવ્યું હતું. ઇકબાલે તેની પત્ની ઝારા (૨૦ વર્ષ)ને સોમવારે સવારે મળવા બોલાવી હતી. ઝારા આવી પહોંચતાં ઇકબાલે તીક્ષ્ણ હથિયાર વડે તેના પર અનેક ઘા કરીને તેને મોતને ઘાટ ઉતારી હતી.
દંપતીનાં લગ્ન ૨૦૧૯માં થયાં હતાં અને તેમને બે વર્ષનું બાળક છે. ઝારાને છૂટાછેડા જોઈતા હતાં, જ્યારે ઇકબાલને બાળકની કસ્ટડી જોઈતી હતી. પોલીસે ઇકબાલની ધરપકડ કરી હતી.