06 November, 2014 05:33 AM IST |
૧૭ વર્ષનો આરોપી સ્કૂલ ડ્રૉપ-આઉટ છે અને આ છોકરીનો દૂરનો સગો છે. થોડા દિવસ પહેલાં પોતાની આન્ટીના ઘરે ચેમ્બુર ગયેલી છોકરીએ પેટમાં દુખાવો થવાની અને વૉમિટિંગની ફરિયાદ કરતાં તેને નજીકની હૉસ્પિટલમાં દાખલ કરવામાં આવી હતી. આ સમયે તેને ચાર મહિનાનો ગર્ભ રહ્યો હોવાનું જાણવા મળતાં આખી ઘટના પ્રકાશમાં આવી હતી. ત્યાર બાદ છોકરીની આન્ટીએ તેના પેરન્ટ્સને જાણ કરી મંગળવારે પોલીસ-સ્ટેશનમાં કેસ નોંધાવ્યો હતો.
ઘટનાનો ભોગ બનેલી છોકરીનાં મમ્મી-પપ્પા બન્ને કામ કરતાં હોવાથી દિવસ દરમ્યાન તે એકલી જ ઘરમાં રહેતી હતી. આરોપી તેમના ઘરે સમયે-સમયે આવતો રહેતો હતો. દિવસ દરમ્યાન એકલી રહેતી હોવાથી આરોપીએ છ મહિના પહેલાં મોકો જોઈને છોકરી પર રેપ કયોર્ હતો. બુધવારે પોલીસે આરોપીની ધરપકડ કર્યા બાદ પોલીસ-તપાસમાં તેણે ૧૩થી વધુ વખત છોકરી પર રેપ કયોર્ હોવાનું કબૂલ્યું હતું. ઘટનાનો ભોગ બનેલી છોકરી અને આરોપી મસ્જિદ બંદર નજીક પાયધુની પોલીસ-સ્ટેશનની હદમાં જ રહેતાં હતાં.