06 July, 2024 11:23 AM IST | Mumbai | Gujarati Mid-day Correspondent
પ્રતીકાત્મક ફાઇલ તસવીર
સેન્ટ્રલ રેલવેમાં રવિવારે થાણે અને દીવા વચ્ચે પાંચમી અને છઠ્ઠી લાઇન પર સવારના ૧૦.૫૦થી બપોરના ૩.૨૦ વાગ્યા સુધી બ્લૉક રાખવામાં આવ્યો છે એટલે આ સમય દરમ્યાન ફાસ્ટ ટ્રેનો સ્લો ટ્રૅક પર દોડશે. રવિવારે હાર્બર લાઇનમાં કુર્લાથી વાશી વચ્ચે પણ બન્ને તરફની આવતી અને જતી લાઇન પર સવારના ૧૧.૧૦થી સાંજના ૪.૧૦ વાગ્યા દરમ્યાન બ્લૉક રાખવામાં આવ્યો છે. લોકોને અગવડ ન પડે એ માટે કેટલીક ટ્રેનો CSMTથી કુર્લા અને કેટલીક ટ્રેનો પનવેલથી વાશી વચ્ચે દોડાવવામાં આવશે.
વેસ્ટર્ન લાઇનમાં શનિવારે રાતે મધરાત બાદ ૧૨.૧૫ વાગ્યાથી રવિવારે પરોઢિયે ૪.૧૫ વાગ્યા દરમ્યાન વસઈથી વિરાર વચ્ચે નાઇટ બ્લૉકનું આયોજન કરવામાં આવ્યું છે. રવિવારે દિવસે દરમ્યાન કોઈ બ્લૉક નહીં હોય.