06 February, 2026 11:38 AM IST | Mumbai | Gujarati Mid-day Correspondent
NMMCમાં મેયરપદે ચૂંટાઈ આવેલાં સુજાતા પાટીલ અને ડેપ્યુટી મેયરપદે વીજયી બનેલા દશરથ ભગત.
નવી મુંબઈ મ્યુનિસિપલ કૉર્પોરેશન (NMMC)ના મેયરપદે ભારતીય જનતા પાર્ટી (BJP)નાં નગરસેવિકા સુજાતા પાટીલ ચૂંટાઈ આવ્યાં છે. સુજાતા પાટીલ બીજી વાર નગરસેવિકા તરીકે ચૂંટાઈ આવ્યાં છે. જોકે મેયરપદે તેમની વરણી થવાથી પાર્ટીની તેમનાથી સિનિયર નગરસેવિકાઓમાં નારાજગી જોવા મળી હતી. એવું કહેવાઈ રહ્યું હતું કે નૉમિનેશન ભરવાના દિવસે સવારના જ તેમને એ વિશે જાણ કરવામાં આવી હતી. મેયરપદની રેસમાં સુજાતા પાટીલે શિવસેનાનાં સરોજ પાટીલને હરાવ્યાં હતાં. ડેપ્યુટી મેયરપદે BJPના દશરથ ભગત જીતી ગયા હતા. તેમણે શિવસેનાના આકાશ મઢવીને હરાવ્યા હતા.
સુજાતા પાટીલના પતિ સૂરજ પાટીલ વર્ષોથી નવી મુંબઈના BJPના નિષ્ઠાવાન કાર્યકર છે. નવી મુંબઈમાં વર્ષોથી વર્ચસ ધરાવતા ગણેશ નાઈકે તેમના કૅમ્પનાં સુજાતા પાટીલને મેયર બનાવ્યાં છે. રાજ્યમાં મહાયુતિના સાથી પક્ષ શિવસેનાએ NMMCની ચૂંટણી સ્વબળે લડી હતી.
