રશ્મિ ઠાકરેની કાર અને બાઇક અથડાયાં
ખેરવાડી પોલીસે જણાવ્યું હતું કે ‘ઉદ્ધવ ઠાકરેનાં પત્ની રશ્મિ રવિવારે રાતે આઠ વાગ્યાની આસપાસ પોતાની કારમાં દક્ષિણ મુંબઈ જઈ રહ્યાં હતાં ત્યારે કલાનગર જંક્શન પાસે કાર અને બાઇક અથડાયાં હતાં, જેમાં બાઇક પર બેઠેલા ૨૪ વર્ષના શેર અલી ખાન અને પચીસ વર્ષના મોહમ્મદ સાજિયા ખાન જખમી થયા હતા. ઍક્સિડન્ટ પછી બન્નેએ એકબીજાની ભૂલ હોવાનું કહેતાં અત્યારે તો કોઈ વિરુદ્ધ ફરિયાદ નોંધવામાં નથી આવી. જંક્શન પર લગાવવામાં આવેલા સીસીટીવી કૅમેરાનું ફુટેજ જોયા પછી કેસ નોંધવામાં આવશે.’