16 September, 2021 08:47 AM IST | Mumbai | Gujarati Mid-day Correspondent
ઑનલાઇન ધંધો કરતી કંપનીઓ પર પ્રતિબંધ મૂકો, નહીં તો નિયમો કડક કરો
વેપારીઓના દેશવ્યાપી સંગઠન કૉન્ફેડરેશન ઑફ ઑલ ઇન્ડિયા ટ્રેડર્સ (કેઇટ) દ્વારા ગઈ કાલે ઑનલાઇન વેપાર કરતી ઈ-કૉમર્સ કંપનીઓ સામે સરકારની ઢીલી નીતિનો વિરોધ કરીને ધરણાં કરવામાં આવ્યાં હતાં અને ત્યાર બાદ હલ્લાબોલ કરીને નારાબાજી કરાઈ હતી. આ વિશે માહિતી આપતાં કેઇટના મુંબઈ વિભાગના ચૅરમૅન રમણીક છેડાએ ‘મિડ-ડે’ને કહ્યું હતું કે ‘અલગ-અલગ વેપારી મંડળોના પ્રતિનિધિઓએ ગઈ કાલનાં ધરણાંમાં અને હલ્લાબોલમાં ભાગ લીધો હતો. વેપારીઓની માગણી છે કે આ કંપનીઓ પર પ્રતિબંધ મૂકવામાં આવે અથવા તેમના પર કડક નિયમો લાદવામાં આવે. નહીં તો આ કંપનીઓ ઈસ્ટ ઇન્ડિયા કંપનીની જેમ દેશ પર રાજ કરશે.’